Ընթացիկ տարվա մարտին ՀՀ սպառողական շուկայում 12-ամսյա գնաճը կազմել է 4.5%, իսկ նախորդ ամսվա նկատմամբ՝ 0.7%: Economood-ի հաղորդմամբ՝ ՎԿ-ն հրապարակել է ՀՀ սպառողական գների ինդեքսը (ՍԳԻ)։ Սննդամթերքի և ոչ ալկոհոլային խմիչքի գները 2026 թ. մարտին նախորդ տարվա նույն ամսվա համեմատ աճել են 7.8%-ով, իսկ 2026 թ. փետրվարի համեմատ՝ 1.8%-ով:
Ոչ պարենային ապրանքների շուկայում 2026 թ. մարտին նախորդ տարվա նույն ամսվա համեմատ գների մակարդակն աճել է 0.8%-ով, իսկ 2026 թ. փետրվարի համեմատ՝ 0.1%: Բնակչությանը մատուցված ծառայությունների ոլորտում 2026 թ. մարտին նախորդ տարվա նույն ամսվա համեմատ սակագներն աճել են 2.6%-ով, իսկ 2026 թ. փետրվարի համեմատ գրանցվել է 0.2% գնանկում: 2026 թ. հունվար-մարտին նախորդ տարվա նույն ժամանակահատվածի համեմատ ՀՀ սպառողական շուկայում գներն աճել են 4.2%-ով։
Հետևեք մեզ տելեգրամում
