ԱՄՆ փոխնախագահ Ջեյ Դի Վենսը մեկնել է Պակիստան՝ մասնակցելու ամերիկյան և իրանական պատվիրակությունների հանդիպմանը: Փոխանցում է BBC-ն:
«Մենք սպասում ենք բանակցություններին»,- հայտարարել է նա նախքան օդանավ բարձրանալը՝ հավելելով, որ Միացյալ Նահանգները պատրաստ է «բաց ձեռք մեկնել», եթե իրանական կողմը գործի «բարի կամքով»։ Միևնույն ժամանակ, նա նախազգուշացրել է, որ եթե իրանցիները փորձեն «խաղալ իրենց հետ», ԱՄՆ-ն համագործակցության հակված չի լինի։
Փոխնախագահը նշել է նաև, որ նախագահ Թրամփն արդեն տվել է նրան քննարկումների համար անհրաժեշտ ուղեցույցները։
Սպիտակ տան մամուլի քարտուղար Քերոլայն Լևիթն ավելի վաղ հայտնել էր, որ բանակցությունները կկայանան Պակիստանի մայրաքաղաք Իսլամաբադում և ակնկալվում է, որ կմեկնարկեն շաբաթ օրը։
Ջեյ Դի Վենսին կուղեկցեն հատուկ բանագնաց Սթիվ Ուիթքոֆը և Ջարեդ Քուշները։ Պակիստանում BBC-ի թղթակիցը հայտնել է, որ Իսլամաբադն այս պահին դեռ սպասում է իրանական պատվիրակության ժամանմանը։
Հետևեք մեզ տելեգրամում
