«HelloSafe» ֆինանսական ծառայությունը վերլուծություն է հրապարակել 2026-ի ամենահարուստ երկրների վերաբերյալ։ Նշվում է, որ աշխարհի ամենահարուստ երկիրը լինելը միայն շատ արտադրելը չէ, այլ այն չափվում է նրանով, թե ինչպես է այդ հարստությունը կոնկրետ կերպով արտացոլվում սովորական քաղաքացու առօրյա կյանքում։
Euronews-ի փոխանցմամբ՝ վերլուծության մեջ նշվում է, որ չնայած Եվրոպան գերակշռում է հարստության համաշխարհային վարկանիշներում, սակայն այն, թե իրականում ինչ է նշանակում լինել «հարուստ երկիր», մեծապես կախված է նրանից, թե ինչպես է չափվում բարեկեցությունը և ով է օգտվում դրանից: «Բարեկեցության ինդեքսը» դասակարգում է ավելի քան 50 երկիր՝ օգտագործելով 100-բալանոց սանդղակ: Այն հիմնվում է ԱՄՀ-ի, Համաշխարհային բանկի, ՄԱԿ-ի Զարգացման ծրագրի (UNDP), Եվրոստատի և ՏՀԶԿ-ի տվյալների վրա։
Նորվեգիան գլխավորում է աղյուսակը՝ շնորհիվ աշխարհում ամենաբարձր ՀԱԵ-ի (Համախառն ազգային եկամուտ՝ երկրի քաղաքացիների և ձեռնարկությունների վաստակած ընդհանուր եկամուտը, ներառյալ արտերկրից ստացվածը) և բարձր հավասարակշռված սոցիալական մոդելի: Իռլանդիան երկրորդն է, Լյուքսեմբուրգը երրորդն է, չորրորդ տեղում Շվեյցարիան է, իսկ հինգերորդ տեղում Իսլանդիան։ Սինգապուրն այս ցանկում 6-րդն է։
Եվրոպայից դուրս ԱՄՆ-ը զբաղեցնում է 17-րդ տեղը,Ֆրանսիան՝ 20-րդ։Երկրների ցանկին կարող եք ծանոթանալ այս հղումով։
Հետևեք մեզ տելեգրամում
