Կոմպոզիտոր Արա Գևորգյանի «1000 դհոլ» նախագիծը նպատակ ունի գրանցվել WDPO համաշխարհային ռեկորդների գրքում և դառնալ երաժշտի չորրորդ միջազգային ռեկորդը։ Նախագծի շրջանակում հնչել է երեք ստեղծագործություն, որոնց թվում եղել են ինչպես Կոմիտասի, այնպես էլ հենց Արա Գևորգյանի ստեղծագործությունները։ Նախագծին հիմնականում մասնակցել են 10 տարեկանից բարձր երեխաներ, իսկ բեմադրող ռեժիսորը Վահե Յանն է։
Այսօր նախագծի շրջանակում Արարատ լեռան ֆոնին իրականացվել է նոր տեսահոլովակի նկարահանումը։ Սկզբնապես «1000 դհոլ» նախագիծը նախատեսվում էր իրականացնել Երևանի Էրեբունի թանգարանի տարածքում, սակայն հետագայում որոշում է կայացվել փոխել նկարահանման վայրը։
Եթե նախագիծը պաշտոնապես գրանցվի, ապա այն կհամալրի Արա Գևորգյանի արդեն ունեցած ռեկորդների շարքը։ Նախորդ ռեկորդների թվում են «Երևան» տեսահոլովակը՝ 200 քանոնահարների միաժամանակյա կատարմամբ, Ջիվան Գասպարյանի 90-ամյակին նվիրված միջոցառման ընթացքում 112 դուդուկահարների համատեղ կատարումը, ինչպես նաև աշխարհում եզակի համարվող 5 բաս-քանոն երաժշտական գործիքների ստեղծումը։
Հետևեք մեզ տելեգրամում
