«Amnesty International» միջազգային իրավապաշտպան կազմակերպությունը հայտնել է, որ Իրանում 2025 թվականին մահապատժի է ենթարկվել 2159 մարդ։ Կազմակերպության տվյալներով՝ սա երկրում մահապատիժների՝ 1981 թվականից ի վեր արձանագրված ամենաբարձր ցուցանիշն է։
Ըստ կազմակերպության՝ Իրանում մահապատիժների կիրառումը շարունակվել է նաև 2026 թվականի հունվարին տեղի ունեցած բողոքի ցույցերից և տարածաշրջանային լարվածության աճից հետո։ Ըստ պաշտոնական Թեհրանի՝ 2026 թվականի սկզբից մինչ այժմ մահապատժի է ենթարկվել 30 մարդ։
Amnesty International-ը նաև հայտնում է, որ 2025 թվականին ամբողջ աշխարհում առնվազն 2707 մարդ է մահապատժի ենթարկվել։ Նշվում է, որ այս թվի մեջ չեն ներառվել Չինաստանում իրականացված մահապատիժները, որոնք եղել են «հազարավոր», սակայն հստակ վիճակագրություն չկա, քանի որ տվյալները համարվում են պետական գաղտնիք։
Կազմակերպության տվյալներով՝ Սաուդյան Արաբիայում 2025 թվականին իրականացվել է առնվազն 356 մահապատիժ, Քուվեյթում՝ 17, Եգիպտոսում՝ 23, Եմենում՝ առնվազն 51։
Հետևեք մեզ տելեգրամում
