Մայիսի 26-ից կվերականգնվի Թբիլիսիի և Բաքվի միջև ուղևորատար երկաթուղային հաղորդակցությունը, որը չէր գործում շուրջ 6 տարի։ Այս մասին հայտնում են վրացական կայքերը՝ հղում անելով Վրաստանի կառավարությանը։
Վրաստանն ու Ադրբեջանը ստորագրել են երկկողմ համակարգող խորհրդի արձանագրություն, որը շահագործման կհանձնի Բաքու-Թբիլիսի-Կարս երկաթուղու նոր հատվածը: Համաձայնագրի համաձայն՝ Բաքվի և Թբիլիսիի միջև գնացքները կսկսեն երթևեկել ամեն օր՝ սկսած մայիսի 26-ից:
Նշենք, որ ադրբեջանական կողմը դեռևս պաշտոնապես չի հաստատել այս տեղեկությունը։ Նախկինում Վրաստանի էկոնոմիկայի նախարարությունը հայտարարել էր, որ գնացքի գործարկումը նախատեսվում էր 2025 թվականի մայիսին, սակայն այն այդ ժամանակ նույնպես չի իրականացվել։ Ադրբեջանի ցամաքային սահմանները փակ են 2020 թվականից՝ COVID-19-ի հետևանքով սահմանված սահմանափակումների պատճառով, որոնք իշխանությունները երկարաձգում էին յուրաքանչյուր վեց ամիսը մեկ։
Հետևեք մեզ տելեգրամում
