Իսրայելը քննարկում է Ստամբուլում հյուպատոսությունը փակելու հարցը: Այս մասին հայտնել է իսրայելական աղբյուրը «BBC Turkish»-ի հետ զրույցում։ Աղբյուրը հաստատել է, որ հյուպատոսության փակման վերաբերյալ քննարկումներ են ընթանում, սակայն դեռևս որոշում չի կայացվել։
Իսրայելական աղբյուրը նշել է, որ Թուրքիայում նշանակված իսրայելցի դիվանագետները ներկայումս իրենց դիվանագիտական ծառայությունն իրականացնում են Բուլղարիայում և դրա հետ մեկետղ նշվել է, որ չգործող շենքերը զգալի ֆինանսական բեռ են ներկայացնում Իսրայելի համար։
Այնուամենայնիվ, ըստ աղբյուրիորոշ պաշտոնյաներ զգուշացրել են, որ Ստամբուլում հյուպատոսության փակումը կարող է դժվարացնել դրա վերաբացումը ապագայում։
Նշենք, որ 2023թ-ի վերջին Թուրքիան հետ էր կանչել Թել Ավիվում իր դեսպանին, Իսրայելն էլ իր հերթին էր հետ կանչել Անկարայում իր դիվանագետներին, սակայն դիվանագիտական հարաբերությունները պաշտոնապես ամբողջությամբ չեն խզվել։
Հետևեք մեզ տելեգրամում
