Ռուսաստանի առաջին փոխվարչապետ Դենիս Մանտուրովը խոսել է Ռուսաստանի նախագահ Վլադիմիր Պուտինի Չինաստան կատարած այցի մասին։ Նա նշել է, որ այցի ընթացքում ստորագրված համաձայնագրերը և խորը երկխոսությունը զգալի կխթանեն ռուս-չինական համատեղ նախաձեռնությունների իրականացմանը։
«Ռուսաստանի նախագահի այցը, ստորագրված համաձայնագրերը և այս օրերին տեղի ունեցած մանրակրկիտ, խորը երկխոսությունը, անկասկած, շոշափելի խթան կհաղորդեն համատեղ նախաձեռնությունների իրականացմանը», – նշել է Մանտուրովը։
Ռուս-չինական ներդրումային համագործակցության միջկառավարական հանձնաժողովը ներառում է ավելի քան 200 միլիարդ դոլարի արժողությամբ 89 նախագիծ այնպիսի ոլորտներում, ինչպիսիք են մետալուրգիան, քիմիական արդյունաբերությունը, մեքենաշինությունը, անտառտնտեսությունը, գյուղատնտեսությունը, տրանսպորտը և լոգիստիկան, ինչպես նաև առևտուրը, նշել է Մանտուրովը՝ հավելելով, որ երկրները նաև հաջողությամբ համագործակցում են ատոմային էներգիայի և տիեզերքի ուսումնասիրության ոլորտներում։
Ըստ նրա՝ Պուտինի այցը Չինաստան կխթանի երկու երկրների 200 միլիարդ դոլարի արժողությամբ նախագծերին։
Հետևեք մեզ տելեգրամում
