Հանրային հեռուստաընկերությունը ենթարկվել է լայնածավալ կիբեռհարձակման

Հանրային հեռուստաընկերության եթերային և թվային ենթակառուցվածքները վերջին օրերին ենթարկվել են լայնածավալ կիբեռհարձակման։ Այս մասին հայտնում է 1lurer.am-ը։

Ըստ աղբյուրի՝ հարձակման հիմնական նպատակը Եվրոպական քաղաքական համայնքի միջոցառումների հեռարձակումներին միջամտելն էր։ Դրանից հետո նաև փորձեր են արվել խաթարելու Հանրային հեռուստաընկերության ալիքների բնականոն հեռարձակումը։

Հաղորդվում է, որ օպերատիվ և տեխնիկական միջոցառումների շնորհիվ հնարավոր է եղել կանխել խափանումները, և կիբեռհարձակման փորձերը էական ազդեցություն չեն ունեցել հեռարձակման աշխատանքի վրա։

Դեպքի առնչությամբ զբաղվում են իրավապահ մարմինները։