ԵՄ-ն առաջին անգամ պատժամիջոցներ է սահմանել Իրանի դեմ՝ նավարկության ազատությանը սպառնալու համար

ԵՄ երկրները համաձայնություն են տվել պատժամիջոցներ կիրառել այն իրանցի ֆիզիկական և իրավաբանական անձանց նկատմամբ, որոնք ներգրավված են Հորմուզի նեղուցի արգելափակման գործընթացում։ Եվրամիության անդամ պետությունների արտաքին գործերի նախարարները հայտարարել են, որ նեղուցի փակմանն ուղղված Իրանի քայլերը անընդունելի են։

Եվրոպական միության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը նշել է, որ սա առաջին դեպքն է, երբ Եվրամիությունը պատժամիջոցներ է կիրառում նավարկության ազատության սահմանափակման համար և ընդգծել է, որ նման քայլերը շարունակական բնույթ կկրեն։

Ըստ Կալասի՝ Հորմուզի նեղուցի բացումը հնարավոր կլինի միայն այն դեպքում, երբ Վաշինգտոնն ու Թեհրանը հակամարտությունը կարգավորեն բանակցությունների միջոցով։