ԱՄՆ վարչակազմի բարձրաստիճան ներկայացուցիչը հերքել է Թեհրանի հայտարարությունները, թե Վաշինգտոնը պատրաստվում է նախքան Իրան-ԱՄՆ բանակցությունների նոր փուլի մեկնարկը ապասառեցնել Իրանի 12 միլիարդ դոլարի չափով ակտիվները։ Այս մասին հայտնում է «Axios»-ը։
Պաշտոնյայի խոսքով՝ ԱՄՆ-Իրան համաձայնությունը հիմնված է «վճարում՝ արդյունքի դիմաց » սկզբունքի վրա, ինչը նշանակում է, որ սառեցված միջոցները չեն փոխանցվի, քանի դեռ Իրանը չի կատարել իր ստանձնած պարտավորությունները։
Նշենք, որ իրանական «Mehr» գործակալությունը, հղում անելով փոխըմբռնման հուշագրի տեքստին, հայտնել էր, որ ԱՄՆ-ը պատրաստվում է ապասառեցնել արտերկրում գտնվող 24 միլիարդ դոլարի իրանական ակտիվները, որի կեսը՝ 12 միլիարդ դոլարը, պետք է Իրանին վերադարձվի մինչև բանակցությունների նոր փուլի մեկնարկը։
Ավելի վաղ հայտնի էր դարձել, որ Վաշինգտոնը և Թեհրանը համաձայնեցրել են պատերազմի դադարեցման վերաբերյալ հուշագրի տեքստը, որի ստորագրումը նախատեսվում է հունիսի 19-ին։ Հուշագրով նախատեսված պարտավորությունների կատարումից հետո կողմերը բանակցությունների հաջորդ փուլն են մեկնարկելու, որի ընթացքում քննարկելու են միջուկային հարցը, Իրանի նկատմամբ պատժամիջոցների չեղարկումը:
Հետևեք մեզ տելեգրամում
