Եվրոպական հանձնաժողովի նախագահ Ուրսուլա ֆոն դեր Լայենը ողջունել է ԱՄՆ-ի և Իրանի միջև ձեռք բերված համաձայնությունը՝ նշելով, որ այն հնարավոր է դարձել մի շարք գործընկերների երկարատև դիվանագիտական ջանքերի շնորհիվ։
«Այժմ առաջնահերթությունը բոլորի կողմից համաձայնագրի կետերի արագ և լիարժեք իրականացումն է»,- նշել է ֆոն դեր Լայենը՝ հավելելով, որ այդ համաձայնությունը պետք է հնարավորություն տա անհապաղ վերաբացել Հորմուզի նեղուցը։
Հանձնաժողովի նախագահն ընդգծել է, որ համաձայնությունը նաև հնարավորություն է բացում Մերձավոր Արևելքում խաղաղության և անվտանգության շուրջ ավելի լայն բանակցությունների համար, որոնք պետք է հանգեցնեն Իրանի միջուկային և բալիստիկ ծրագրերի, ինչպես նաև տարածաշրջանում նրա «ապակայունացնող գործունեության» դադարեցմանը։
Լայենը նաև ընդգծել է, որ Մերձավոր Արևելքում խաղաղություն չի կարող լինել, քանի դեռ Լիբանանը շարունակում է մնալ կրակի մեջ․ «Եվրոպան ևս մեկ անգամ կոչ է անում բոլոր կողմերին հարգել Լիբանանի ինքնիշխանությունն ու տարածքային ամբողջականությունը և իրական հրադադար հաստատել»,- X-ի իր էջում գրել է նա։
Հետևեք մեզ տելեգրամում
