Հունիսի 17-ին Հայաստանում պաշտոնապես մեկնարկել է «Արծիվ գործընկեր 2026» զորավարժությունը։ Այն կանցկացվի մինչև հունիսի 25-ը։ Այս մասին հայտնում է ՀՀ-ում ԱՄՆ դեսպանությունը:
«Սա արդեն չորրորդ ամենամյա զորավարժությունն է, որը հիմնված է հայ-ամերիկյան երկարամյա պաշտպանական համագործակցության վրա և աջակցում է միջազգային խաղաղապահ առաքելություններին նախապատրաստման հարցում: Այս տարի «Արծիվ գործընկերն» ընդլայնում է մասնակիցների շրջանակը և ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի ու Կանզասի ազգային գվարդիայի զինծառայողներից զատ` մասնակցում են նաև Ֆրանսիայի և Հունաստանի զինված ուժերի ներկայացուցիչներ»,- նշվել է դեսպանության հաղորդագրությունում։։
Ըստ ԱՄՆ դեսպանության՝ համատեղ բազմակողմ վարժանքների միջոցով «Արծիվ գործընկեր-2026» զորավարժությունը բարձրացնում է փոխգործակցելիության մակարդակը, նպաստում լավագույն փորձի փոխանակմանը և ամրապնդում խաղաղապահների պատրաստվածությունը։
Հետևեք մեզ տելեգրամում
