Ռուսաստանը սպասում է Հայաստանի՝ Հավաքական անվտանգության պայմանագրի կազմակերպությանը (ՀԱՊԿ) մասնակցության վերաբերյալ հստակ որոշմանը։ Այս մասին «ՌԻԱ Նովոստի»-ին տված հարցազրույցում հայտարարել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։
«Հայաստանը պետք է որոշում կայացնի՝ մնում է կազմակերպությունում, թե նախընտրում է այլ սցենար»,- նշել է ռուս պաշտոնյան՝ հավելելով, որ Երևանը պետք է այդ որոշման մասին տեղեկացնի Մոսկվային։
Հիշեցնենք, որ Հայաստանը նախկինում սառեցրել է իր մասնակցությունը ՀԱՊԿ-ին։ 2025 թվականին վարչապետ Նիկոլ Փաշինյանը հայտարարել էր, որ Հայաստանի՝ կազմակերպությունից դուրս գալու հավանականությունն ավելի մեծ է, քան համագործակցության վերականգնումը։
Հետևեք մեզ տելեգրամում
