Հայկ Խլոյանը հաղթել է օլիմպիական չեմպիոն Մուսա Եվլոևին

Հունիսի 30-ից հուլիսի 1-ը Երևանի «Դինամո» մարզադահլիճում անցկացվում է Բենուր Փաշայանի անվան միջազգային հուշամրցաշարը։ 97 կգ քաշային կարգի 1/8 եզրափակչում Հայաստանի ներկայացուցիչ Հայկ Խլոյանը 3:2 հաշվով հաղթել է օլիմպիական չեմպիոն Մուսա Եվլոևին: Գոտեմարտին հետևել է նաև օլիմպիական, աշխարհի և Եվրոպայի չեմպիոն Արթուր Ալեքսանյանը։

Գորգ են դուրս եկել նաև 2024 թվականի Եվրոպայի չեմպիոն Արտյոմ Դելյանը, 2022-ի Եվրոպայի փոխչեմպիոն Արվի Սավոլայնենը, մինչև 23 տարեկանների աշխարհի և Եվրոպայի առաջնությունների ոսկե մեդալակիր Գիորգի Չխիկվաձեն, ինչպես նաև 2021-ի աշխարհի առաջնության բրոնզե մեդալակիր Արկադիուշ Կուլինիչը։