Նորվեգիան գրեթե ամբողջությամբ կարգելի արհեստական բանականության կիրառումը տարրական դպրոցի աշակերտների շրջանում

Նորվեգիայի իշխանությունները գրեթե ամբողջությամբ կարգելեն գեներատիվ արհեստական բանականության գործիքների օգտագործումը 6–13 տարեկան դպրոցականների շրջանում՝ նպատակ ունենալով կենտրոնանալ երեխաների հիմնարար կրթական հմտությունների զարգացման վրա։

Նոր կանոնները կգործեն օգոստոսի վերջից։ Դրանց համաձայն՝ 14–16 տարեկան աշակերտներին էլ թույլատրվելու է օգտվել արհեստական բանականության գործիքներից միայն ուսուցիչների վերահսկողությամբ, իսկ ավագ դպրոցի սովորողները կանցնեն հատուկ ուսուցում՝ նեյրոցանցերից գրագետ և պատասխանատու օգտվելու վերաբերյալ։

Բացի այդ, Նորվեգիայի կառավարությունը նախատեսում է ավելացնել թղթային դասագրքերի ֆինանսավորումը և աստիճանաբար հրաժարվել դասարաններում պլանշետների օգտագործումից։

Իշխանությունների գնահատմամբ՝ այս քայլերը կօգնեն ամրապնդել աշակերտների ընթերցանության, գրելու և քննադատական մտածողության հմտությունները՝ միաժամանակ սահմանափակելով տեխնոլոգիաների չափազանց վաղ և անվերահսկելի կիրառումը կրթական գործընթացում։