Ռոտերդամի Էրազմուսի համալսարանը հրապարակել է «KidsRights 2026» երեխաների իրավունքների համաշխարհային ինդեքսը, որում Հայաստանը զբաղեցրել է 70-րդ տեղը՝ 0.712 միավորով։ Հաշվի են առնվել հինգ հիմնական չափանիշ՝ գոյատևում, առողջապահություն, կրթություն, պաշտպանություն և երեխաների համար բարենպաստ միջավայր։ Փոխանցում է «Ալֆանյուզ»-ը:
Վարկանիշային աղյուսակը գլխավորել է Նիդերլանդները՝ 0.871 միավորով։ Առաջին հնգյակում ընդգրկվել են նաև Իսլանդիան, Մոնակոն, Գերմանիան և Նորվեգիան։
Հետխորհրդային երկրների շարքում ցուցանիշները բաշխվել են հետևյալ կերպ․ Ղազախստանը զբաղեցրել է 24-րդ, Մոլդովան՝ 32-րդ, Վրաստանը՝ 51-րդ, Ադրբեջանը՝ 60-րդ, Հայաստանը՝ 70-րդ, Ղրղզստանը՝ 82-րդ, Տաջիկստանը՝ 92-րդ, Ուզբեկստանը՝ 96-րդ, իսկ Ռուսաստանը՝ 151-րդ տեղը։
Հետևեք մեզ տելեգրամում
