Եվրասիական զարգացման բանկը (ԵԱԶԲ) Զանգեզուրի պղնձամոլիբդենային կոմբինատին կտրամադրի 120 մլն ԱՄՆ դոլարի վարկ՝ արտադրական հզորությունների ընդլայնման ներդրումային ծրագրի իրականացման համար։
Ինչպես հայտնում է Sputnik Արմենիան՝ հղում անելով ԵԱԶԲ-ի մամուլի ծառայությանը, համապատասխան վարկային պայմանագիրը ստորագրվել է Բանկի տարեկան ժողովի և բիզնես ֆորումի շրջանակում։
Փաստաթուղթը ստորագրել են ԵԱԶԲ-ի նախագծային բլոկի ղեկավար, ավագ կառավարիչ տնօրեն Սերգեյ Իգնատովը և ԶՊՄԿ-ի ֆինանսական տնօրեն Նիկոլայ Վեդենինը։
Վարկային համաձայնագրի շրջանակում բանկը բացել է 120 մլն դոլարի չվերականգնվող վարկային գիծ։ Միջոցները կուղղվեն ներդրումային ծրագրին, որը նախատեսում է հանքաքարի վերամշակման ծավալների ավելացում։
Նախատեսվում է, որ արտադրողականության բարձրացումը հնարավորություն կտա ավելի արդյունավետ օգտագործել հումքային բազան, կայունացնել պղնձի և մոլիբդենի արտադրության ծավալները, ինչպես նաև ամրապնդել արտահանման կայունությունը։
Նշենք, որ ավելի վաղ ԵԱԶԲ-ում հայտնել էին նաև Հայաստանում զբոսաշրջության և լոգիստիկայի ոլորտներում ներդրումներ իրականացնելու ծրագրերի մասին։
Հետևեք մեզ տելեգրամում
