Հայաստանն առաջին անգամ դեսպան է նշանակել Պակիստանում

Հայաստանն իր պատմության մեջ առաջին անգամ դեսպան կունենա Պակիստանում։ ՀՀ նախագահ Վահագն Խաչատուրյանի հրամանագրով Կարեն Գրիգորյանը, համատեղության կարգով, նշանակվել է Պակիստանում Հայաստանի արտակարգ և լիազոր դեսպան՝ նստավայրը Աբու Դաբիում: Այս մասին հայտնում է «CIVILNET»-ը։

Կարեն Գրիգորյանը նաև զբաղեցնում է Արաբական Միացյալ Էմիրություններում Հայաստանի արտակարգ և լիազոր դեսպանի պաշտոնը։

Հիշեցնենք, որ Հայաստանն ու Պակիստանը դիվանագիտական հարաբերություններ են հաստատել 2025 թվականի օգոստոսին՝ համատեղ կոմյունիկեի ստորագրմամբ։ Փաստաթղթով կողմերը հայտարարել են, որ պատրաստակամ են զարգացնել բարեկամական հարաբերություններ՝ փոխադարձ հարգանքի, ինքնիշխանության, տարածքային ամբողջականության, ներքին գործերին չմիջամտելու և խաղաղ գոյակցության սկզբունքների հիման վրա։