Ռուսաստանն առաջին անգամ Ադրբեջանի տարածքով պրոպան է արտահանել Հայաստան

Ռուսաստանն առաջին անգամ Ադրբեջանի տարածքով պրոպան է արտահանել Հայաստան: Այս մասին հայտնում է «Коммерсанть»-ը։

Հայաստան է ուղարկվել է 30 վագոն պրոպան՝ ընդհանուր 1026 տոննա բեռով։ Սա արդեն վեցերորդ տեսակի բեռն է, որը Ռուսաստանից Հայաստան է տեղափոխվում Ադրբեջանի տարածքով՝ 2025 թվականի հոկտեմբերին երկու երկրների միջև տարանցիկ փոխադրումների սահմանափակումների վերացումից հետո։

Մինչ այժմ այդ Ադրբեջանով Ռուսաստանից Հայաստան է տեղափոխվել ավելի քան 36 հազար տոննա հացահատիկ, շուրջ 8 հազար տոննա պարարտանյութ, 133 տոննա ալյումին, 68 տոննա հնդկաձավար և 414 տոննա անտրացիտ։