Թուրքիայի առևտրի նախարար Օմեր Բոլաթը հայտնել է, որ Ուկրաինայի գերագույն խորհրդարանը վավերացրել է երկու երկրների միջև ազատ առևտրի համաձայնագիրը։ Նախարարը հայտնել է, որ համաձայնագրի ուժի մեջ մտնելով, երկկողմ առևտրի շուրջ 90 տոկոսը կազատականացվի, ինչը զգալիորեն կմեծացնի թուրք արտահանողների մրցունակությունն ուկրաինական շուկայում։
Ըստ թուրքական կողմի՝ սպասվում է, որ նոր իրավական կարգավորումներով կխթանվեն լոգիստիկ, շինարարական և փոխադարձ ներդրումային ոլորտները։
Բոլաթը նաև ընդգծել է, որ այս քայլով Ուկրաինան ու Թուրքիան զգալիորեն մոտենում են նախագահներ Ռեջեփ Թայիփ Էրդողանի և Վոլոդիմիր Զելենսկու կողմից սահմանված երկկողմ առևտրաշրջանառությունը 10 մլրդ դոլարի հասցնելու թիրախին։
Թուրք նախարարը նաև տվյալներ է տրամադրել վերջին տարիներին երկու երկրների միջև իրականացված առևտրաշրջանառության ծավալների վերաբերյալ, ըստ որոնց՝ 2024-ին այն կազմել է 6․2 մլրդ դոլար, 2025-ին՝ 6.6 մլրդ դոլար, իսկ 2026-ի 1-ին կիսամյակում՝ 3.2 մլրդ դոլար՝ աճելով շուրջ 10 տոկոսով:
Հետևեք մեզ տելեգրամում
