Հութիների հարձակումներից հետո Բաբ էլ-Մանդեբի նեղուցով նավերի երթևեկությունը նվազել է

Եմենի հութիների կողմից Սաուդյան Արաբիայի նավթային ենթակառուցվածքների վրա իրականացված հարձակումներից հետո Բաբ էլ-Մանդեբի նեղուցով բեռնատար նավերի և նավթատարների երթևեկությունը կտրուկ նվազել է։ «Reuters»-ը, հղում անելով «Kpler» վերլուծական ընկերության տվյալներին, հայտնում է, որ հուլիսի 26-ին նեղուցով անցել է ընդամենը 11 բեռնատար նավ, այդ թվում՝ 7 նավթատար, ինչը վերջին ամիսների ամենացածր ցուցանիշն է։

Հութիների գործողությունները մեծացրել են մտավախությունները, որ Իրանի դեմ պատերազմը կարող է տարածվել Մերձավոր Արևելքի այլ հատվածներ՝ առաջացնելով նավթի մատակարարումների նոր խափանումներ։

Միաժամանակ, հանգստյան օրերին Հորմուզի նեղուցով անցել է 10-ից քիչ նավ, որոնցից 7-ը՝ կիրակի օրը։ «Reuters»-ի տվյալներով՝ նավերի երթևեկությունը չի ավելացել, չնայած ԱՄՆ-ն ու Իրանը դադարեցրել են միմյանց դեմ հարվածները։