Հայաստանը Եվրամիությանն անդամակցելու կամ ԵԱՏՄ կազմում մնալու վերաբերյալ հանրաքվեի հստակ ժամկետ չի նշել։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ անդրադառնալով Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հեռախոսազրույցին։ Փոխանցում է РИА Новости-ին:
Պեսկովի խոսքով՝ զրույցի ընթացքում հանրաքվեի անցկացման կոնկրետ ժամկետներ չեն նշվել, սակայն ընդգծվել է այն հնարավորինս շուտ անցկացնելու անհրաժեշտությունը։
Ավելի վաղ ՀՀ վարչապետի մամուլի ծառայությունը հայտնել էր, որ Փաշինյանը Պուտինի հետ զրույցում ընդգծել է, որ ԵՄ-ին անդամակցելու վերաբերյալ հանրաքվեի անցկացումը գործնականում հնարավոր է անդամակցության հարցով պաշտոնական հայտ ներկայացնելուց հետո։
Հետևեք մեզ տելեգրամում
