Իսրայելի վարչապետ Բենիամին Նեթանյահուն հայտարարել է, որ սեպտեմբերին կայցելի Նյու Յորք՝ չնայած քաղաքապետ Զոհրան Մամդանիի կոչերին՝ իրեն ձերբակալել Միջազգային քրեական դատարանի (ՄՔԴ) օրդերի հիման վրա։ Այս մասին հայտնում է New York Post-ը։
«Ես անպայման կգնամ Նյու Յորք և այդ պաշտոնյայի ներկայությամբ, որը, իմ կարծիքով, ատելություն է հրահրում և նյույորքցիներին միմյանց դեմ է տրամադրում, կասեմ ճշմարտությունը»,- հայտարարել է Նեթանյահուն։
Ավելի վաղ Զոհրան Մանդանին հայտարարել էր, որ եթե Իսրայելի վարչապետ Բենիամին Նեթանյահուն այցելի Նյու Յորք, ապա ինքը կփորձի իրականացնել նրա ձերբակալությունը՝ Միջազգային քրեական դատարանի (ՄՔԴ) օրդերի հիման վրա։
Մանդանիի խոսքով՝ քաղաքային իշխանությունները պարտավոր են հարգել միջազգային իրավունքը, և եթե նման հնարավորություն լինի, Նեթանյահուն պետք է ձերբակալվի։ Սակայն նա ավելի ուշ ընդունել է, որ առանց ԱՄՆ դաշնային կառավարության աջակցության քաղաքապետարանը չի կարող իրականացնել նման քայլ։
Հետևեք մեզ տելեգրամում
