Իրանի Իսլամական Հանրապետության գերագույն առաջնորդ Մոջթաբա Խամենեին առանձին հրամանագրերով նշանակումներ է կատարել զինված ուժերում: Այս մասին հայտնում են իրանական ԶԼՄ-ները:
Զինված ուժերի գլխավոր շտաբի պետ է նշանակվել գեներալ-մայոր Ալի Աբդոլլահին, իսկ շտաբի պետի տեղակալի պաշտոնը ստանձնել է բրիգադային գեներալ Քիոմարս Հեյդարին։
Իսլամական հեղափոխության պահապանների կորպուսի գլխավոր հրամանատարի պաշտոնը ստանձնել է Ահմադ Վահիդին, ում միաժամանակ շնորհվել է գեներալ-մայորի զինվորական կոչում, իսկ նրա տեղակալ է նշանակվել գեներալ-մայոր Մոստաֆա Իզադին։
Բացի այդ, ԻՀՊԿ ռազմածովային ուժերի հրամանատար է նշանակվել Ալի Ազմայիին, իսկ «Բասիջ» աշխարհազորային կազմակերպության ղեկավար է նշանակվել Հոսեյն Թաեբին։
Նշենք, որ այս կառույցների նախկին հրամանատարները սպանվել էին Իրանի դեմ ԱՄՆ և Իսրայելի պատերազմի ընթացքում:
Հետևեք մեզ տելեգրամում
