Հայաստանը մտադիր է խորացնել ռազմավարական գործընկերությունը Չինաստանի հետ։ Այդ մասին ասվում է Հայաստանի կառավարության հնգամյա ծրագրում, փոխանցում է News.am-ը։
«Կառավարությունը կշարունակի հետևողականորեն իրականացնել 2025-ի օգոստոսի 31-ին Հայաստանի վարչապետի և ՉԺՀ նախագահի հանդիպման արդյունքներով ձեռք բերված պայմանավորվածությունները, ինչպես նաև կշարունակի աշխատանքները ռազմավարական գործընկերության մակարդակի հասցնելու վերաբերյալ հայ-չինական հարաբերությունների մակարդակի բարձրացման մասին համատեղ հայտարարության մեջ նշված ոլորտներում համագործակցության զարգացման և շոշափելի արդյունքների հասնելու ուղղությամբ», – նշվել է ծրագրում։
Բացի այդ, ընդգծվել է, որ Հայաստանը նաև կձգտի անդամակցել Շանհայի համագործակցության կազմակերպությանը։
Նյու Դելիի հետ հարաբերությունների առնչությամբ նշվել է, որ կշարունակվի ակտիվ աշխատանքը Հնդկաստանի հետ փոխադարձ հետաքրքրություն ներկայացնող ոլորտներում համագործակցության զարգացման ուղղությամբ, ներառյալ տնտեսությունը, պաշտպանությունը, տրանսպորտը, կրթությունը, մշակույթը, առողջապահությունը, տեղեկատվական տեխնոլոգիաները և այլ ոլորտներ, ինչպես նաև հայ-հնդկական գործընկերությունը որակապես նոր մակարդակի հասցնելու ուղղությամբ։
Հետևեք մեզ տելեգրամում
