Հայաստանը իրավաբանորեն շարունակում է մնալ ՀԱՊԿ անդամ, սակայն փաստացի չի մասնակցում կազմակերպության աշխատանքներին։ Այս մասին ՏԱՍՍ-ին տված հարցազրույցում հայտարարել է ՀԱՊԿ գլխավոր քարտուղարի տեղակալ Թաալաթբեկ Մասադիկովը։
«Դե ֆակտո այսօր Հայաստանը չի մասնակցում ՀԱՊԿ շրջանակներում հարցերի քննարկմանը, իր աշխատակիցներին և զինծառայողներին չի ուղարկում ՀԱՊԿ քարտուղարությունում քվոտավորված պաշտոններ զբաղեցնելու համար և արդեն երրորդ տարին է՝ անդամավճար չի վճարում»,- ասել է նա։
Ավելի վաղ վարչապետ Նիկոլ Փաշինյանը հայտարարել էր, որ առաջիկա հինգ տարիներին Հայաստանը չի վերադառնա ՀԱՊԿ-ում ակտիվ աշխատանքի։ Նա նաև նշել էր, որ կազմակերպության կանոնադրությունը նախատեսում է անդամ պետությանը ՀԱՊԿ-ից հեռացնելու հնարավորություն։
Նշենք, որ Հայաստանը ՀԱՊԿ-ին անդամավճարների վճարումը դադարեցրել է 2024 թվականից՝ փաստացի սառեցնելով իր մասնակցությունը կազմակերպությանը։
Հետևեք մեզ տելեգրամում
