Regionmontor.com-ը ներկայացնում է հունիսի 15-ի դրությամբ տարածաշրջանում կորոնավիրուսի տվյալները։ Ստորև ներկայացվում են Թուրքիայի, Ադրբեջանի, Վրաստանի, Իրանի, Հայաստանի և Արցախի COVID-19-ի հետ կապված ընթացիկ տվյալները։
Թուրքիայում վերջին 24 ժամվա ընթացքում կատարվել է 45․176 թեստ, որոնցից 1.562-ի պատասխանը դրական է եղել։ Նույն ժամանակահատվածում գրանցվել է վարակակիրների մահվան 15 դեպք, առողջացել է 1.330 մարդ։ Այսպիսով, ըստ ընդհանուր տվյալների, Թուրքիայում արձանագրվել է կորոնավիրուսով վարակվելու 178․239 հաստատված դեպք և մահվան 4․807 դեպք, առողջացել է 151․417 հիվանդ:
Ադրբեջանում հունիսի 15-ին հաստատվել է կորոնավիրուսով վարակման 336 նոր դեպք, 183 մարդ ապաքինվել է, 5 մարդ՝ մահացել։ Ընդհանուր առմամբ՝ մինչ այժմ Ադրբեջանում գրանցվել է վիրուսով վարակման 9.957 դեպք, 5.583 մարդ ապաքինվել է, 119 մարդ՝ մահացել։ Մինչ այժմ կատարվել է 365․654 թեստ։
Վրաստանում վերջին 24 ժամում գրանցվել է կորոնավիրուսի 15 նոր դեպք, իսկ ապաքինվածների թիվը ավելացել է 1-ով, այս մասին հայտնում է Վրաստանի կառավարության կողմից ստեղծված հատուկ Stopcov.ge կայքէջը: Այսպիսով, հաստատված 879-ից բուժվողների թիվը կազմում է 161, մահացածների թիվը՝ 14, իսկ բուժված անձանց՝ 704: Կարանտինի ռեժիմում գտնվող անձանց թիվը կազմում է 2.710, իսկ ստացիոնարում բժիշկների հսկողության տակ՝ 267:
Իրանի առողջապահության նախարարության հաղորդած տվյալների համաձայն՝ վերջին 24 ժամվա ընթացքում կորոնավիրուսով վարակվածների թիվն ավելացել է 2․449-ով՝ կազմելով 189․876: Նույն ժամանակահատվածում մահվան 113 դեպք է արձանագրվել։ Մահացած հիվանդների ընդհանուր թիվը կազմում է 8․950: Ապաքինված հիվանդների թիվը կազմում է 148․674: Մինչ օրս 1 269․194 թեստ է անցկացվել։
Հայաստանում կորոնավիրուսով վարակվածների թիվը վերջին մեկ օրում ավելացել է 397–ով և դարձել 17․064։ Կորոնավիրուսով վարակված անձանցից 16-ը մահացել են վերջին մեկ օրում։ Այս պահին փաստացի բուժում է ստանում 10․409 մարդ, առողջացել են վարակվածներից 6․276-ը։ Ընդհանուր առմամբ գրանցվել է 285 մահվան դեպք։
Արցախում հաստատվել է կորոնավիրուսի դեպքերի ընդհանուր քանակը հասել է 78-ի։։ Այս մասին հայտնում Արցախի առողջապահության նախարարությունը: 43 մարդ ապաքինվել է: Այս պահին մեկուսացված է 116 քաղաքացի: Թեստավորումների նպատակով առայսօր Հայաստան է ուղարկվել 1․373 նմուշառում:
Հետևեք մեզ տելեգրամում
