ԱՄՆ-ը քննարկում է ձմռան ընթացքում Ռուսաստանի և Ուկրաինայի միջև էսկալացիայի կանխման հնարավորությունը՝ միաժամանակ նախատեսելով վերսկսել խաղաղության համաձայնագրի շուրջ բանակցությունները։ Այս մասին Axios-ին տված հարցազրույցում հայտարարել է Ուկրաինայի նախագահ Վոլոդիմիր Զելենսկին։
Զելենսկին կարծում է, որ ձմռան նախաշեմին դիվանագիտական գործընթացի համար հնարավորություն է ստեղծվում։ Նա հայտնել է, որ Կիևում ԱՄՆ նախագահի հատուկ բանագնացներ Սթիվ Ուիթքոֆի և Ջարեդ Քուշների հետ հանդիպումից հետո ստացել է ուղերձ, որ ռուսական կողմը պատրաստ է բանակցությունների։
Նրա խոսքով՝ ԱՄՆ-ի նոր մոտեցումը ենթադրում է բանակցությունների վերսկսում և այնպիսի պայմանավորվածությունների ձեռքբերում, որոնք թույլ կտան Ռուսաստանին ու Ուկրաինային ձմեռն անցնել առանց լայնածավալ էսկալացիայի։
Զելենսկին նշել է, որ նպատակն է ձմռանից առաջ կամ դրա ընթացքում գտնել այնպիսի քայլեր, որոնք կողմերին կմոտեցնեն խաղաղությանը։
Հետևեք մեզ տելեգրամում
