Ռուսաստանում ժանտախտի տարածման վտանգը մասնագետները ցածր են գնահատում

Ռուսաստանի Սիբիրի շրջանում լաբորատորիայի աշխատակցի մահից հետո իշխանությունները հետաքննում են նրա մահվան պատճառը։ Կնոջ մոտ թոքաբորբ էր ախտորոշվել, սակայն հիվանդության պատճառը հայտնի չէր։ Միաժամանակ տեղեկություններ են տարածվել, թե նա կարող էր մահանալ թոքային ժանտախտից, սակայն այդ տեղեկությունը պաշտոնապես չի հաստատվել։ Այս մասին գրել է «Euronews»։

Մասնագետների խոսքով՝ նույնիսկ եթե թոքային ժանտախտի դեպքը հաստատվի, հիվանդության լայն տարածման վտանգը ցածր է։ Վարակը կարող է փոխանցվել վարակված մարդու հազի կամ փռշտոցի ժամանակ, սակայն սովորաբար դրա համար անհրաժեշտ է նրա հետ մոտ շփում։

ԱՄՆ-ի «MedStar Washington Hospital Center»-ի բժիշկ Գլեն Վորթմանը նշել է, որ թոքային ժանտախտը բուժվում է հակաբիոտիկներով և քիչ հավանական է, որ այն լայնորեն տարածվի Ռուսաստանում կամ հասնի ԱՄՆ, իսկ Ռեդինգի համալսարանի վարակաբան Սայմոն Քլարքը խորհուրդ է տվել հնարավոր վարակված անձանց մեկուսանալ և բժշկի ցուցումով հակաբիոտիկներ ընդունել։