Հայաստանի և Ադրբեջանի հարաբերությունների կարգավորման հարցում Ռուսաստանի մոտեցումները չեն փոխվել և չեն պայմանավորվում քաղաքական իրավիճակով։ Այս մասին «РИА Новости»-ին հայտնել է Ռուսաստանի արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։
«Մեր մոտեցումները հայ-ադրբեջանական հարաբերությունների կարգավորման հարցում անփոփոխ են և չեն պայմանավորվում քաղաքական իրավիճակով։ Մենք կողմ ենք Հարավային Կովկասում ամուր և հուսալի խաղաղության, անվտանգության ու բարեկեցության հաստատմանը»,- ասել է Կալուգինը։
Կալուգինի խոսքով՝ Ռուսաստանը շարունակում է աջակցել Հայաստանի և Ադրբեջանի միջև հարաբերությունների կարգավորման գործընթացին։ Այդ ուղղությամբ աշխատանքները ներառում են խաղաղության պայմանագրի կնքումը, տրանսպորտային հաղորդակցությունների վերականգնումը և սահմանազատման գործընթացի առաջմղումը։
Հետևեք մեզ տելեգրամում
