Միջազգային կազմակերպություններում Իրանի մշտական ներկայացուցիչ Քազեմ Ղարիբ Աբադիի տեղեկացմամբ՝ Ատոմային էներգիայի միջազգային գործակալությունը (ԱԷՄԳ) Իրանի միջուկային ծրագրի վերաբերյալ նոր զեկույց է հրապարակել, որտեղ նշվում է, որ գործակալությունը շարունակում է միջուկային ծրագրի շրջանակներում Իրանի գործողությունների վերաբերյալ իր ուսումնասիրությունները:
Զեկույցի համաձայն՝ Իրանը Ֆորդոյի միջուկային հաստատությունում սկսել է «UF 6»-ի հարստացումը, ուրանի հարստացումը հասել է 4,5 տոկոսի, մինչև նոյեմբերի 3-ն ընկած ժամանակահատվածում Իրանը 372.3 կգ հարստացված ուրան է ունեցել, Իրանն իր միջուկային հաստատություններում նոր ցենտրիֆուգներ է ավելացրել:
Իրանի մշտական ներկայացուցչի խոսքով՝ ԱԷՄԳ-ի զեկույցը վկայում է, որ գործակալությունն Իրանի միջուկային ծրագրի վերաբերյալ բավարար չափով վերահսկողություն ունի:
ԱԷՄԳ-ը Իրանի միջուկային ծրագրի վերաբերյալ նոր զեկույց է հրապարակել
Հետևեք մեզ տելեգրամում
