Իրանի նախագահ Հասան Ռոհանին նոյեմբերի 14-ին մասնակցել է Թեհրանում անցկացվող «Իսլամական միասնություն» խորագրով միջազգային 33-րդ համաժողովի բացման արարողությանը:
ԻԻՀ նախագահն իր ելույթում անդրադարձել է մուսուլմանական երկրների առջև կանգած մարտահրավերներին, Միացյալ Նահանգներին և Իսրայելին, ինչպես նաև Մերձավոր Արևելքում Իրանի վարած քաղաքականությանը:
Հ. Ռոհանին կարևորել է մուսուլմանական երկրների միասնական դիրքորոշումը Պաղեստինի խնդրի վերաբերյալ՝ նշելով, որ իսլամական աշխարհի հասարակական կարծիքը թույլ չի տա, որ Պաղեստինի հարցը՝ որպես իսլամական աշխարհի օրակարգային հարց, մոռացության մատնվի:
Անդրադառնալով ԱՄՆ-ի և Իսրայելի տարածաշրջանային քաղաքականությանը՝ Իրանի նախագահը նշել է. «Միացյալ Նահանգները և Իսրայելը ոչ մեկի բարեկամը չեն, սակայն մենք Սաուդյան Արաբիայի, Արաբական Միացյալ Էմիրությունների, Բահրեյնի, Քուվեյթի, տարածաշրջանի մյուս երկրների ժողովուրդների, հատկապես Պաղեստինի ժողովրդի և ընդհանրապես ազատատենչ և պայքարող խմբերի բարեկամն ենք»:
Ռոհանին նշել է, որ եթե իսլամական երկրներն Իրանի ժողովրդի պես համբերություն, պայքարելու և դիմադրելու կամք ունենան, ապա Միացյալ Նահանգներն անպարտ մնալու կարողություն չի ունենա:
Հասան Ռոհանի. Իսրայելը և Միացյալ Նահանգները ոչ մի բարեկամ չունեն
Հետևեք մեզ տելեգրամումՎերջին լուրեր
