Ռուս տնտեսագետ, քաղաքական գործիչ, «Свободная мысль» ամսագրի գլխավոր խմբագիր, ՌԴ նախագահի աշխատակազմի նախկին խորհրդական Միխայիլ Դելյագինը Facebook և Twitter հարթակներում գրել է, որ ռուսական լրատվամիջոցները դիմել է իրեն՝ առաջարկելով գումարի դիմաց մեկնաբանություն տալ այն մասին, իբր Հայաստանն է սանձազերծել Ադրբեջանի հետ կոնֆլիկտը՝ թիրախավորելով նավթային ուղիները։
«Ռուսական մեդիան, որոնց հետ ես արդեն մեկուկես տարի չեմ շփվել, զանգել ու առաջարկում է գումարի դիմաց՝ «որքան կասեք», մեկնաբանություն տալ այն մասին, որ Հայաստանն է սանձազերծել կոնֆլիկտն Ադրբեջանի հետ՝ թիրախավորելով նրա նավթային ուղիները։
Իմ քաղաքավարի հարցին, թե ինչո՞ւ Հայաստանը, (քանի որ փետրվարին միանշանակ Ադրբեջանն էր սկսել, և թուրքական ականջները հաստատ հայկական գլխարկի տակից չեն երևում), և հակամարտության հատկապես ո՞ր գոտում է գտնվում Ադրբեջանի նավթային օբյեկտները (ինձ հետաքրքիր է․ ես կարծես թե ինչ-որ ժամանակ աշխարհագրություն գիտեի), մոսկովյան թերթի տնտեսական բաժնի խմբագիրն ասում է․ «ուղղակի այսպիսին է Բաքվի տեսակետը»։
Եթե վաղը Բաքուն հանկարծ դիրքորոշում հայտնի, թե հայերի ցեղասպանությունն իրականացվել է ռուսների կողմից, մոսկովյան ԶԼՄ-ները ուրախությամբ փողի դիմաց այդ պնդումը հաստատող մեկնաբանություններ կհավաքեն»,- գրել է Դելյագինը։
Հետևեք մեզ տելեգրամում
