Համաճարակային իրավիճակի վատթարացման պատճառով Վրաստանի իշխանությունները որոշել են մի շարք սահմանափակումներ մտցնել, հայտարարել է Վրաստանի կառավարության աշխատակազմի ղեկավար Նատիյա Մեզվրիշվիլին:
«Մի քանի օր առաջ մենք հայտարարեցինք թատրոնների և կինոթատրոնների սահմանափակումները հանելու մասին, որոնց մի մասը պետք է բացվեին սեպտեմբերի 15-ից, մյուս մասը՝ հոկտեմբերի 1-ից, սակայն, հաշվի առնելով համաճարակային վիճակը, որոշում ենք կայացրել բացումը հետաձգել մինչև նոյեմբերի 1: Բացի այդ, սեպտեմբերի 10-ից երկրում կարգելվեն ծնունդները, հարսանիքները և այլ արարողութուններ, 200-ից ավել մարդկանցով մշակութային և սպորտային միջոցառումները»,-ասել է Մեզվրիշվիլին՝ ընդգծելով, որ այդ կանոնները չպահպանելու համար նախատեսվում են համապատասխան պատժամիջոցներ, և հասարակությունը պետք է ցուցաբերի բարձր քաղաքացիական պատասխանատվություն:
Նշենք, որ վերջին օրերին Վրաստանում կորոնավիրուսի դեպքերի աճ է գրանցվել՝ օրական 44-45:
Հետևեք մեզ տելեգրամում
