Վրաստանի խորհրդարանի անկախ պատգամավոր Լևան Գոգիչաիշվիլին վարակվել է կորոնավիրուսով։ Նա առաջին վրացի պատգամավորն է, ում պատուհասել է այս համավարակը։ Վրացական մամուլի տեղեկացմամբ՝ կորոնավիրուս է հաստատվել նաև պատգամավորի կնոջ մոտ։
Գոգիչաիշվիլին և իր կինն արդեն երկրորդ անգամ են կորոնավիրուսի թեստ հանձնում։ Երկու օր առաջ նրանց թեստի արդյունքները բացասական էին եղել, բայց կրկնակի թեստավորմամբ հաստատվել է ամուսինների մոտ վիրուսի առկայությունը։
Նշենք, որ ավելի վաղ կորոնավիրուս էր կասկածվել Վրաստանի խորհրդարանի խոսնակ Արչիլ Տալակվաձեի մոտ, քանի որ վերջինիս թիկնապահը ևս վարակվել էր Covid-19-ով։ Տալակվաձեն ինքնամեկուսացել էր, բայց ավելի ուշ երկու անգամ թեստավորում էր անցել և արդյունքները բացասական էին եղել։
Հետևեք մեզ տելեգրամում
