ԱՄՆ-ի պետքարտուղար Մայք Պոմպեոն նոյեմբերի 26-ին հայտարարել Է, որ Միացյալ Նահանգները շուրջ 20 հազար հաղորդում Է ստացել Իրանի իշխանությունների կողմից ցույցերի ճնշման դեպքերի եւ մարդու իրավունքների այլ խախտումների ապացույցներով:Այս մասին նա գրառում է կատարել թվիթթերյան միկրոբլոգում:
«Անցյալ շաբաթ ես Իրանի խիզախ ժողովրդին խնդրեցի մեզ ուղարկել Իրանում բողոքների ընթացքում վարչակարգի բռնի գործողությունների ապացույցներ: Այս պահին մենք ստացել ենք շուրջ 20 հազար հաղորդում: ԱՄՆ-ն արդեն միջոցներ Է ձեռնարկել Իրանի ապատեղակատվության նախարարի դեմ: Առջևում նոր պատժամիջոցներ են»,- գրել Է Պոմպեոն:
Ավելի վաղ ԱՄՆ-ի ֆինանսների նախարարությունը հայտարարել Էր իր պատժամիջոցների ցուցակում Իրանի տեղեկատվական-հաղորդակցական տեխնոլոգիաների նախարար Մոհամադ Ջավադ Ազարի Ջահրոմիին ներառելու մասին: Վերջինս մեղադրվում է Իրանի քաղաքացիների համար համացանցի մուտքը սահմանափակելու մեջ:
Հետևեք մեզ տելեգրամում
