Թուրքիայի վիճակագրական ծառայությունը և Առևտրի նախարարությունը տվյալներ են հրապարակել երկրի տնտեսության վերաբերյալ:
Նշվում է, որ Թուրքիայի արտաքին առևտրի դեֆիցիտը հոկտեմբերին նախորդ տարվա նույն ժամանահատվածի համեմատ 263.6 %-ով աճել է` կազմելով 1.81 մլրդ դոլար: Իսկ 2019թ. հունվար-հոկտեմբեր ամիսների ընթացքում արտաքին առևտրի դիֆիցիտը նվազել է 52.5%-ով`կազմելով 24.54 մլրդ դոլար:
Թուրքիայում արտահանումը հոկտեմբերին 2018թ. նույն ժամանակահատվածի համեմատ նվազել է 0.1%-ով, իսկ ներմուծումը աճել 8%-ով, համապատասխանաբար կազմելով 15.66 մլրդ և 17.47 մլրդ դոլար:
Ըստ այդմ` 2019թ. առաջին 10 ամիսների ընթացքում արտահանման ծավալները ավելացել են 2 %-ով` հասնելով 141.41 մլրդ դոլարի, իսկ ներմուծումը նվազել 12.8 %-ով (165.95 մլրդ դոլար):
Տվյալների համաձայն` եթե արտահանման ծավալները ներմուծման համեմատ 2018թ. հոկտեմբերին կազմել են 96.9%, ապա 2019թ. հոկտեմբերին այդ ցուցանիշը անկում է գրանցել` հասնելով 89.6%-ի:
Թուրքիայի առևտրի նախարար Ռուհսար Փեքջանը նոյեմբերի 4-ին հայտարարել էր, որ 2019թ. հոկտեմբերին Թուրքիայի արտաքին առևտրի դեֆիցիտը աճել էր 256%-ով (1.77 մլրդ դոլար):
Հետևեք մեզ տելեգրամում
