ԱՄՆ նախագահ Դոնալդ Թրամփի ավագ խորհրդական Ջարեդ Քուշները մոտ օրերս կայցելի Սաուդյան Արաբիա և Կատար՝ Պարսից ծոցի այս երկու երկրներին հաշտեցնելու համար:
Ամերիկյան կողմը գտնում է, որ հաշտեցումը կվերականգներ տարածաշրջանի կայունությունը և դա կլիներ ամերիկյան գործող վարչակազմի ձեռքբերումներից մեկը:
Քուշները հանդիպելու է Սաուդյան Արաբիայի թագաժառանգ Մուհամեդ բեն Սալմանի և Կատարի էմիր Թամիմ բեն Համադ ալ-Թանիի հետ: Քուշները շահագրգռված է, որ հաստատվեն ավել վաղ ձեռք բերված պայմանավորվախությունը, որով իսրայելական ինքնաթիռներին թույլ էր տրվում օգտվել Սաուդյան Արաբիայի օդային տարածքից:
Նշենք, որ Սաուդյան Արաբիան, ԱՄԷ-ը, Բահրեյնը և Եգիպտոսը Կատարի հետ դիվանագիտական կապերը խզեցին 2017թ-ին՝ Դոհային մեղադրելով ահաբեկչությանն աջակցելու և իրենց ներքին գործերին խառնվելու մեջ:
Հետևեք մեզ տելեգրամում
