Մոսկվայում Ռուսաստանի ԱԳ նախարար Սերգեյ Լավրովի հետ համատեղ ճեպազրույցի ժամանակ ՀՀ արտգործնախարար Արա Այվազյանը նշել է, որ Թուրքիան այսօր էլ շարունակում է վարել տարածաշրջանի համար կործանարար քաղաքականություն։ Իսկ դա պարտավորեցնում է միջազգային հանրությանը` ստիպելու Թուրքիային զերծ մնալ ցանկացած գործողությունից, որը կարող է էլ ավելի սրել լարվածությունը:
«Դեռեւս չկան օտարերկրյա զինյալ ահաբեկիչների դուրսբերման հստակ ազդակներ: Ընդհակառակը՝ առկա են հավաստի տեղեկություններ այն մասին, որ Ադրբեջանը ծրագրում է ընդլայնել զինյալ ահաբեկիչների եւ վարձկանների տարածման աշխարհագրությունը եւ նրանցով վերաբնակեցնել Արցախի օկուպացված շրջանները»,- ասել է նախարարը:
Ինչ վերաբերում է Թուրքայի ԱԳՆ կողմից արված այն հայտարարությանը, թե «ԼՂ հետ կապված պայմանավորվածությունները կարող են նպաստել Երեւանի եւ Անկարայի հարաբերությունների բարելավմանն ու խաղաղության հաստատմանը Հարավային Կովկասում», Արա Այվազյանն ասել է․
«Մենք կդիտարկենք, թե Անկարան ինչ քայլեր է անում վստահության վերականգնման համար, ոչ միայն Հայաստանի, այլեւ ողջ միջազգային հանրության նկատմամբ, միայն դրանից հետո կարող ենք գնահատել, թե որքան անկեղծ են Թուրքիայի խոսքերը Հարավային Կովկասում նոր դարաշրջանի մասին»:
Հետևեք մեզ տելեգրամում
