Ֆրանսիայի նախագահ Էմանուել Մակրոնը տեսակոնֆերանսի ձևաչափով բանակցություններ կունենա թուրք գործընկերոջ՝ Ռեջեփ Թայիփ Էրդողանի հետ:
Սա լինելու է երկու ղեկավարների առաջին բանակցությունները 6 ամսվա ընթացքում, երբ նրանք միմյանց հասցեին վիրավորական արտահայտություններ էին անում:
France Presse գործակալությունը չի պարզաբանում, թե ինչ թեմաներ են շոշափվելու բանակցությունների ժամանակ, սակայն հիշեցնում է բազմաթիվ տարաձայնությունների մասին: 2020թ. աշնանը և ձմռան սկզբին Ֆրանսիան Թուրքիայից մեկ անգամ չէ, որ պահանջել է հստակեցնել իր դերը ղարաբաղյան հակամարտությունում, բացի այդ, Մակրոնը հայտարարել էր, որ Փարիզը տեղեկություն ունի, որ Անկարան Սիրիայից Լեռնային Ղարաբաղ է ուղարկում զինյալների: Նա նույնիսկ սպառնում էր պատժամիջոցներ սահմանել Թուրքիայի դեմ, եթե վերջինս չհրաժարվեր Հունաստանի և Կիպրոսի նկատմամբ միակողմանի գործողություններից:
Էրդողանն իր հերթին խիստ քննադատում էր Մակրոնին՝ իսլամական անջատողականության դեմ պայքարելու կոչի համար: Սակայն որոշ ժամանակ անց, Էրդողանը հայտարարեց ԵՄ-ի հետ հարաբերությունները բարելավելու անհրաժեշտության մասին, նույնիսկ առաջարկեց բանակցություններ սկսել Թուրքիայի՝ Միության կազմում ընդգրկելու հարցի շուրջ:
Հետևեք մեզ տելեգրամում
