Լիբանանի վարչապետ նշանակված Սաադ Հարիրին պատրաստ է այսօր հանդիպելու նախագահ Միշել Աունի հետ և սպասում է նրա կողմից նոր կառավարության կազմի հաստատմանը: Այս մասին հայտնում է Al Jadeed հեռուստակայանը՝ վկայակոչելով իր աղբյուրին:
Նշենք, որ ավելի վաղ նախագահ Միշել Աունը Հարիրին կոչ էր արել կամ կառավարություն ձևավորել, կամ էլ վարչապետի պաշտոնը զիջել մեկ այլ թեկնածուի:
«Հոկտեմբերի 22-ին վարչապետ նշանակվելուց ի վեր Բաաբդա եմ այցելել 16 անգամ և այժմ սպասում եմ, թե երբ է նախագահը հաստատելու 18 անկախ մասնագետից բաղկացած կառավարության կազմը»,-ասել է Հարիրին՝ նշելով, որ փակուղային վիճակից դուրս գալու տարբերակներից մեկն էլ արտահերթ նախագահական ընտրություններն են:
Հետևեք մեզ տելեգրամում
