Սիրիայի Ժողովրդական ժողովի (խորհրդարան) նախագահ Համմուդ Սաբաղը հայտնել է, որ երկրում նախագահական ընտրությունները տեղի կունենան մայիսի 26-ին:
«Բարձրագույն սահմանադրական դատարանում թեկնածուների առաջադրման գործընթացը կսկսվի ապրիլի 19-ից և կշարունակվի 10 օր՝ մինչև ապրիլի 28-ը»,-ասել է Սաբաղը:
Հիշեցնենք, որ Սիրիայում նախագահական վերջին ընտրությունները տեղի էին ունեցել 2014թ.: Ընտրություններին մասնակցել է Սիրիայի բնակչության 73,5%-ը: Ընտրություններին հաղթել է գործող նախագահ Բաշար ալ-Ասադը՝ ստանալով ընտրողների ձայների 88,7%-ը:
Նշենք, որ 2012թ. ընդունված Սահմանադրությունը սահմանափակում է նախագահի պաշտոնավարումը երկու անընդմեջ յոթ տարի ժամկետով:
Հետևեք մեզ տելեգրամում
