Թուրքիան Սաուդյան Արաբիային դատապարտել է թուրքական ապրանքները ոչ պաշտոնապես բոյկոտելու համար: Թուրքիայի Առևտրի հարցերով նախարար Ռուհսար Փեկջանը, գնահատելով 2020թ. հոկտեմբերից Սաուդյան Արաբիայի համակարգային սահմանափակումների քաղաքականության արդյունքները, հայտարարել է, որ Սաուդյան Արաբիան 2020թ. նոյեմբերի 15-ից դադարեցրել է կարմիր և սպիտակ մսի, ձվի, մեղրի, կաթի և կաթնամթերի ներմուծումը Թուրքիայից:
Առևտրի բնագավառում Սաուդյան Արաբիայի սահմանափակող միջոցառումները բուռն քննարկում են առաջացրել Առևտրի համաշխարհային կազմակերպությունում:
Հիշեցնենք, որ Սաուդյան Արաբիայի Առևտրային պալատի ղեկավար Աջլան ալ-Աջլանը 2020թ. հոկտեմբերի 3-ին կոչ արեց բոյկոտել «թուրքական բոլոր ապրանքները», այդ թվում այդ երկրից ներմուծումը, ինչպես նաև ցանկացած կապ ներդրումների և զբոսաշրջության ոլորտում: Թագավորությունում թուրքական ապրանքները բոյկոտեցին այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարեց, որ Ծոցի որոշ երկրների «թիրախավորել են» Թուրքիան և «Մերձավոր Արևելքում իրականացնում են ապակայունացնող քաղաքականություն»:
Հետևեք մեզ տելեգրամում
