ԱՄՆ նախագահ Ջո Բայդենի ապրիլքսանչորսյան ուղերձին արձագանքել է նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը, հայտնում է Ermenihaber.am-ը:
Առաջ քաշելով մի շարք անհիմն պնդումներ, թե Բայդենը այս որոշումը կայացրել է հայկական լոբբիի ազդեցության տակ՝ Քալընն ասել է, որ ԱՄՆ նախագահի հայտարարությունը Թուրքիայի համար առոչինչ է, և նորից առաջ է քաշել այն ահիմն պնդումը, թե ցեղասպանության հարցը պիտի քննարկեն պատմաբանները:
Նա նշել է, որ այս հայտարարության հետևանքով թուրք-ամերիկյան հարաբերություններում առաջանալու է «խորը վերք»:
Հիշեցնենք, որ Միացյալ Նահանգների նախագահ Ջո Բայդենը պաշտոնապես ճանաչեց Հայոց ցեղասպանությունը՝ այդ եզրույթը երկու անգամ օգտագործելով իր ապրիլքսանչորսյան ուղերձում:
Հետևեք մեզ տելեգրամում
