Պաղեստինի առողջապահության նախարարության տվյալներով՝ Գազայի հատվածում Իսրայելի հրթիռային շարունակվող հարձակումների հետևանքով զոհվել է առնվազն 35 պաղեստինցի: Զոհերի թվում կա 12 երեխա և կին, վիրավորների թիվը հասնում է 240-ի: Հիվանդանոցնում կա բժշկական սարքավորումների և դեղորայքի պակաս:
Միևնույն ժամանակ Գազայի հատվածից զանգվածային հարձակման է ենթարկվել Իսրայելի Թել Ավիվ քաղաքի շրջաններից մեկը: Երկնքում լսվել են բազմաթիվ պայթյունների ձայներ, քաղաքում միացել է օդային տագնապի ազդանշանը: Իսրայելական կողմը ունի 5 զոհ:
Իսրայելի բանակը հայտնել է, որ իրենց հաջողվել է ոչնչացնել «ՀԱՄԱՍ»-ի հետախուզության առանցքային երկու աշխատակցի:
Հիշեցնենք, որ Իսրայելի և Գազայի հատվածի միջև հրթիռային փոխադարձ հարձակումները սկսվել էին այն բանից հետո, երբ Արևելյան Երուսաղեմում՝ Ալ-Ակսա մզկիթի մոտ, տեղի էին ունեցել անկարգություններ, որից տուժել էր 700-ից ավել մարդ: Պաղեստինցիների և Իսրայելի ուժայինների միջև բախումները հրահրել էր Իսրայելի դատարանի որոշումը՝ համաձայն որի այնտեղ կես դար ապրող արաբ ընտանիքների տները պետք է տրվեն հրեաներին, քանի որ նրանք այնտեղ են ապրել մինչև 1948թվականը:
Հետևեք մեզ տելեգրամում
