Երուսաղեմի Հայոց Պատրիարքությունը խստիվ դատապարտում է Սուրբ Հակոբյանց միաբանության անդամ Հոգշ. Տ. Արբակ Աբղ. Սարուխանյանի վրա հրեա երիտասարդների հարձակումը՝ Սուրբ Հարության տաճարի ճանապարհին:
Հայր Արբակ ստացել է մարմնական վնասվածք: Նրան անմիջապես տեղափոխել են հիվանդանոց, որտեղ անհրաժեշտ բուժում ստանալուց հետո, դուրս է գրվել:
Պատրիարքությունը պաշտոնապես բողոք է ներկայացրել է ոստիկանությանը, դրանից հետո հարձակվողներից երեքը ձերբակալվել են: Պատրիարքությաան պահանջն է, որ ոստիկանությունը արդար քննություն իրականացնի և հանցագործները պատժվեն օրենքին համապատասխան՝ ապագայում նման դեպքերի կրկնությունից խուսափելու համար:
Հետևեք մեզ տելեգրամում
