Թուրքիայում խոշոր հրդեհները դեռ շարունակվում են: Հրշեջներին դեռևս չի հաջողվել վերահսկողության տակ վերցնել հրեդհի բոլոր օջախները:
Թուրքիայի գյուղատնտեսության և անտառատնտեսության նախարար Բեքիր Փաքդեմիրլիի ներկայացրած տվյալների համաձայն՝ երկրում մոլեգնող 132 հրդեհից վերահսկողության տակ են առնվել 125-ը: Նախարարը հայտնել է, որ բացի այս հրդեհներից հրշեջները միջամտել, կանխել կամ մարել են գյուղական շրջաններում բռնկված 78 հրդեհ:
Թուրքիայում օդի բարձր ջերմաստիճանով կամ մարդկային գործոնով պայմանավորված առաջին անտառային հրդեհները բռնկվել են դեռևս հուլիսի 28-ին՝ տարածվելով 20-ից ավել նահագում։
Անտառային հրդեհները քամու ազդեցությամբ մեծ արագությամբ տարածվել են՝ հասնելով ու ավերելով նաև բնակավայրերը։ Բազմաթիվ գյուղեր ու շրջաններ անվտանգության նկատառումներով արդեն իսկ տարհանվել են։ Վերջին տվյալների համաձայն՝ հրդեհի հետևանքով 8 մարդ է զոհվել, բազմաթիվ կենդանիններ են ոչնչացել, անտառներն ու գյուղատնտեսական նշանակության մեծամասշտաբ տարածքներ ուղղակի մոխրացել են։
Անտառային հրդեհները մարելու համար Թուրքիային օգնություն էին ուղարկել, Ադրբեջանը, Ռուսաստանը, Ուկրաինան, Իրանը, ԵՄ-ն:
Հետևեք մեզ տելեգրամում
