Ադրբեջանում պատմության կեղծարարությունը՝ Ադրբեջանը որպես տարածաշրջանի հնագույն պետություն ու քաղաքակրթություն ներկայացնելու, հայկական ներկայությունը ժխտելու, հետքը ջնջելու մոլուցքն այնպիսի մասշտաբների է հասել, որ արդեն անգամ իսկ ադրբեջանցի պատմաբաններն են սկսել չկողմնորոշվել իրենց ստեղծած կեղծիքների հորձանուտում: Այս խառնաշփոթի արդյունքում գործը հասել է նրան, որ անգամ սկսել են միմյանց մեղադրել անգրագիտության մեջ:
Օգոստոսի 20-ին հայագետ Գաֆար Չախմախլըն Երասխն անվանելով «Արազդեյանի»՝ անդրադարձել էր տեղանքի պատմությանը: «Արազդեյանը և Զանգեզուրը Ղարաբաղի մելիքների տեղակայման տարածքներն են եղել», – նշել է Չախմախլըն` չմոռանալով հավելել նաև, որ «նշված տարածքները պատմական ադրբեջանական հողեր են և ոչ մի կապ չունեն հայերի հետ»:
Չախմախլըին պատասխանել է այսպես կոչված Արևմտյան ադրբեջանական համայնքի և Ադրբեջանի փախստականների համայնքի նախագահ, պատգամավոր Ազիզ Ալաքբերլին: «Հայագետին» անգրագիտության մեջ մեղադրող պատգամավորը Երասխի մասին «պատմական ակնարկ» է հրապարակել՝ նշելով. «Արազդեյանն ո՞ւր, Ղարաբաղի մելիքներն ու՞ր»:
Սակայն, կարծես թե, այս երկու գործիչները ոչ միայն խճճվել են իրենց հորինած պատմության մեջ, այլև չեն կարողանում կիսել երևակայական պաշտոնները:
Բանն այն է, որ Չախմախլըն պատասխան հրապարակում է արել, որտեղ Ազիզ Ալաքբերլիի հասցեին մի շարք քննադատություններից և մեղադրանքներից բացի ակնարկել է, որ պատգամավորը «չի կարողանում հաղթահարել իր խանդը» և «չի կարողանում մարսել «Երևանի Թուրքական Հանրապետության» հռչակումը»:
Հիշեցնենք, որ վերոնշյալ կառույցը ստեղծվել է 2020թ, իսկ նախագահ է նշանակվել Չախմախլըն:
Հետևեք մեզ տելեգրամում
