Ռուսաստանի Դաշնության, Հայաստանի և Ադրբեջանի ղեկավարների միջև Արցախի վերաբերյալ համաձայնագրերի ընդունման տարելիցի կապակցությամբ շփումներ նախատեսված չեն, ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Այսօր այդ մասով շփումներ նախատեսված չեն»,- ասել է Պեսկովը լրագրողներին՝ պատասխանելով հարցին` արդյո՞ք պլանավորվում են շփումներ երեք երկրների ղեկավարների միջև համաձայնագրի տարելիցի կապակցությամբ։
Նա մանրամասնել է, որ Բաքվի և Երեւանի միջև շփումը տեղի է ունենում տարբեր մակարդակներով և բացառապես կանոնավոր կերպով:
«Ինչ վերաբերում է երեքի շփմանը, ապա եթե մի օր նման պայմանավորվածություն ձեռք բերվի, մենք ձեզ կտեղեկացնենք։ Ներկայումս ինչ-որ կոնկրետ պայմանավորվածություններ չկան»,- հավելել է Պեսկովը։
Հետևեք մեզ տելեգրամում
